Sentyabrın 14-də Rusiya Federasiyasının Tatarıstan Respublikasının paytaxtı Kazanda keçiriləcək beynəlxalq muzey forumunda Azərbaycanın muzey işçiləri də iştirak edəcəklər. Muzey Mərkəzindən bildiriblər ki, forum çərçivəsində “Muzey və cəmiyyət: inteqrasiyanın müasir modelləri” mövzusunda elmi-praktiki konfransın keçirilməsi də nəzərdə tutulub. Konfrans Kazanın müxtəlif muzeylərində elmi bölmələr, seminarlar, “dəyirmi masa”lar formasında təşkil olunacaq. Forum sentyabrın 18-dək davam edəcək.