Azərbaycan Respublikasının Prezidenti yanında Gənclər Fondunun maliyyə dəstəyi ilə Sumqayıt şəhərində “Gənclər arasında aşıq festivalı” layihəsi həyata keçiriləcək. Layihənin rəhbəri Lətafət Mürsəlova qeyd edib ki, Sumqayıtda yaşayan gənc aşıqları bir araya gətirəcək festival mart ayının ikinci ongünlüyündə reallaşacaq: “Festivalı həyata keçirməkdə məqsədimiz istedadlı gəncləri həvəsləndirmək, gənclərin aşıq sənətinə olan marağını daha da artırmaqdır”.