15 İyun - Milli Qurtuluş Günü ilə əlaqədar Azərbaycan Dövlət Kamera Orkestri Gəncədə böyük bayram konserti verəcək. Bu barədə məlumat verən Gəncə Şəhər Mədəniyyət və Turizm İdarəsinin baş inspektoru Bəxtiyar Muradov deyib ki, Xalq artisti Teymur Göyçayevin rəhbərliyi altında şəhərin baş meydanında təşkil ediləcək konsertdə Beynəlxalq müsabiqələr laureatı, tanınmış skripkaçı Mustafa Mehmandarovun da çıxışı nəzərdə tutulub.