İ.Nakam adına Şəki şəhər Mərkəzi kitabxanasında görkəmli hərbi xadim, Azərbaycanın ilk milli atıcı diviziyasının komandiri, general Cəmşid Naxçıvanskinin 120 illiyi ilə əlaqədar “Tanınmış hərbi xadim” mövzusunda elmi-nəzəri konfrans keçirilib.
Tədbiri giriş sözü ilə Şəki MKS-nin direktoru Seyid Vahabov açaraq Cəmşid Naxçıvanskinin həyat və fəaliyyətindən danışıb. Şəki Pedaqoji Kollecinin tarix müəllimi Pərviz Zeynalov generalın hərbi fəaliyyəti haqqında geniş məlumat verib, tədbir iştirakçılarının suallarını cavablandırıb.
Sonda konfrans iştirakçıları “Cəmşid Naxçıvanski - 120” sərgisinə baxıblar.