Səməd Vurğun adına Dövlət Rus Dram Teatrı Ukraynanın Yalta şəhərində keçirilmiş “Teatr. Çexov. Yalta” III Beynəlxalq teatr festivalında mükafat alıb.
   Teatrdan bildiriblər ki, gənc aktrisa Anaida Rostovskaya Zadornova “Ər almaq istəyirəm” tamaşasındakı qadın rolunun parlaq ifasına görə xüsusi mükafata layiq görülüb.
   Builki festivalda Ukrayna, Azərbaycan, İtaliya, Rusiya, Litva, Moldova, Sinqapur, Almaniya, İsrail və İspaniyadan teatr kollektivləri iştirak edib. Rus Dram Teatrı artıq növbəti ildəki festivala da dəvət alıb.