Mingəçevir Dövlət Dram Teatrının kollektivi məktəblilərin qış tətilinin səmərəli keçməsi üçün dramaturq Ələsgər Qurbanovun “Sehrbaz qadın” pyesi əsasında yeni tamaşa hazırlayıb. Məktəblilər əvvəlcə teatrın foyesində keçirilən Yeni il şənliklərinin qonağı olurlar. Şaxta baba və Qar qız, klounların şousu, səsləndirilən şən musiqilər və hədiyyələr uşaqlara əsl bayram əhval-ruhiyyəsi bəxş edir. Sonra məktəblilər teatrın tamaşa salonuna keçərək “Sehrbaz qadın” tamaşasına baxırlar.