Üzeyir Hacıbəylinin "Arşın mal alan" operettası Türkiyənin Samsun Şəhər Opera və Balet Teatrında səhnəyə qoyulacaq. Azərbaycan Dövlət Akademik Opera və Balet Teatrının mətbuat xidmətindən verilən məlumata görə, teatrın baş rejissoru, əməkdar incəsənət xadimi Hafiz Quliyev Samsun teatrından dəvət alıb.
   Rejissor noyabrın ortalarında Samsun şəhərinə yollanacaq və bir ay ərzində tamaşa üzərində çalışacaq. Premyera dekabrda keçiriləcək.
   Qeyd edək ki, tamaşa bir neçə il əvvəl Ankara Dövlət Operasında Hafiz Quliyev tərəfindən uğurla səhnəyə qoyulub və indiyə kimi həmin teatrın repertuarındadır.