2017-ci ilin sentyabr ayında Dubayda nəhəng dəniz layihəsinin tikintisinə başlanılacaq. Söhbət Dubay Limanından gedir.
   İnşaat işlərinin 2019-cu ilin mayında başa çatdırılması planlaşdırılır.
   Ən müasir texnologiyalara əsaslanaraq tikiləcək layihə 1 milyon 821 min kvadratmetrlik ərazini əhatə edəcək. Burada sərnişin terminalı və 324 min kvadratmetrlik ticarət mərkəzi də yer alacaq. Bundan başqa, layihə çərçivəsində dənizin ortasında “Dubay Dəniz Fənəri” adlı 134 metr yüksəkliyində bir qüllə də inşa olunacaq. Həmin qüllə üzərində işıq şouları göstəriləcək.