Martın 18-də Azərbaycan Dövlət Gənc Tamaşaçılar Teatrında “Möcüzəli pillələr” pyesi əsasında eyniadlı tamaşa nümayiş olunacaq. Xalq artisti, mərhum Ağaxan Salmanlının pyesi əsasında hazırlanan tamaşa həm teatr haqqında məlumat verir, həm də səhnənin sirli məqamlarını açır.

Quruluşçu rejissoru Nicat Kazımov olan tamaşada Əməkdar artist Elnur Bəhrəmxan, aktyorlar İlhan Sadıqov, Ramil Məmmədov, Anar Seyfullayev, Elşən Şıxəliyev, Zülfiyyə Alhüseynova, Zümrüd Quliyeva, Müşfiq Əliyev, Yusif Dadaşov, Anar Səfiyev, Xaliq Bəkirov, Aygün Fətullayeva, Bəhram Əliheydər, Nurlan Süleymanlı, Araz Pirimov, İlahə Əmirxanova və Hüseyn Bayramov iştirak edirlər.

Səhnə əsərinin hazırlanmasında əsas məqsəd tamaşaçını teatr mühiti ilə, tamaşanın qurulması, aktyorları qrim otağından səhnəyə qədər aparılan hazırlıq prosesi ilə tanış etməkdir. Tamaşada izləyicilər özləri də prosesin iştirakçılarına çevrilirlər.