“MİRAS” Mədəni İrsin Öyrənilməsinə Kömək İctimai Birliyi Prezident yanında Qeyri-Hökumət Təşkilatlarına Dövlət Dəstəyi Şurasının maliyyələşdirdiyi “Arxeoloji abidələrin inklüziv turizm perspektivləri və əlillərin reabilitasiyasına dəstək” layihəsi çərçivəsində Şamaxı, Ağsu, İsmayıllı rayonlarında 100-dək obyektdə araşdırmalar aparıb, 135 nəfər arasında sorğu keçirib.
Araşdırma Azərbaycanda yeni sahə olan inklüziv turizm üzrə ciddi maarifləndirməyə ehtiyac olduğunu göstərib. Bu istiqamətdə addım olaraq Azərbaycanda inklüziv turizm infrastrukturunun pilot layihəsi və müvafiq tövsiyələri özündə əks etdirən Orta əsr Ağsu şəhəri Arxeoloji Turizm Kompleksinin inklüziv turizm layihəsi hazırlanıb. Həmçinin “Arxeoloji abidələrin inklüziv turizm perspektivləri və əlillərin reabilitasiyasına dəstək” tövsiyələr kitabı tərtib edilib.