Fevralın 22-də Dövlət Filarmoniyasının kamera və orqan musiqisi zalında “Kapellhaus” Alman-Azərbaycan Mədəniyyət Birliyinin təşkilatçılığı ilə Bakı Musiqi Akademiyasının “konsertmeystr ustalığı” kafedrası tələbələrinin musiqi gecəsi keçiriləcək. Musiqi gecəsində Q.Məmmədyarova, N.İmanova, N.Çanturiyanın tələbələri çıxış edəcəklər. Vokal-instrumental musiqi axşamında konsertmeystrlər Yevqeniya Məmmədova, Ülviyyə Novruzova, Anar Məmmədov, Dmitri Babayev olacaq. Proqramda Motsart, F.Şubert, F.Mendelson, R.Şuman, C.Verdinin əsərləri səsləndiriləcək.