Azərbaycan Dövlət Akademik Opera və Balet Teatrında P.Çaykovskinin «Qu gölü» tamaşası uğurla nümayiş etdirildi. Tamaşada ən mürəkkəb partiya olan Odetta rolunu ilk dəfə gənc balet artisti Nigar İbrahimova, şahzadə Ziqfrid partiyasını isə Əməkdar artist Gülağası Mirzəyev ifa etdi.
   Qeyd edək ki, N.İbrahimova artıq beşinci ildir ki, bu teatrda çalışır. Bu müddət ərzində o, Qara Qarayevin «Yeddi gözəl» baletində Hind gözəli, L.Minkusun «Don Kixot» baletində Kitri, A.Adanın «Jizel» baletində Jizel, P.Çaykovskinin «Şelkunçik» baletində isə Maşa partiyalarını ifa edib.
   
   Gülər Abdullayeva