İskəndər Etibar
Şamaxı nəğmələri
Şamaxı
Gözəlliklər içində
Çiçəklənən şəhərim
Küləkləri, yelləri
Çiçək yeyən şəhərim,
Şamaxı.
Şamaxı çinarları,
Çiyin verib göylərə,
Enə bilmir göy yerə,
Şamaxı.
Tənəklərin
Düzüm-düzüm düzlənib
Qoşunlayıb yamacı.
Elə bil ki, sürüşüb
Dağların yaşıl tacı,
Şamaxı.
Axşam olcaq,
Buludlanır göylərin,
Küləyin cana yayır,
Çiçəklərin cövhərin,
Şamaxı.
Sərin havan
Şəkərdimi, baldımı?
Ürək açan gözəllik
Danışmayır, laldımı?
Səni sevən İskəndər
Yaddaşında qaldımı,
Şamaxı?
1.08.09.
Bu axşam
Bu axşam yenə də qara buludlar
Şəhərin üstündə çətirlənibdir.
Hələ üzülməyib günəşin əli,
Üfüq dodaq kimi sətirlənibdir.
Hücum mövqeyində
Durub buludlar.
Atəş dəqiqəsi nizamlanıbdır,
Tətiyi çəkəcək hansı saniyə?
Şimşək atəşini saçacaq bulud.
Gözlənən hədəfi izləmək üçün,
Haradan haraya qaçacaq bulud?
Şimşəyi boşalan bulud yerləri,
Əsgər atıb qaçan səngərə dönüb.
Asfalt küçələrdə sellər oyanır.
Evlərin tinindən küçələr boyu
Sükut boylanır.
Evin damağında ötən navalça
Yağışa köklənib daşır, kükrəyir.
Navalça suları,
Beyində iz açan nəğmələr kimi
Çağlayır torpaqda iz aça-aça.
Su əl verir sulara,
Vüsalın fərəhindən
Tələsir dənizə su uça-uça.
Hələ yol uzundu, mənzil uzaqdı,
Dənizə tələsən ümidli sular.
İstəyir hələ də yağış bitməyə
Axı hələ güc gərək
Göy dənizə yetməyə.
9.08.09.
Yağışdan sonra
Yay gecəsi
Gurultulu yağışdan sonra
Nur geyinib
Göyün aylı gecəsi.
Baxın,
göy yağışdan öncəki
O qəzəbli göy deyil.
Hamarlanıb dağ-dağ,
təpə-təpə buludlar.
Göyün üzü
Səhra kimi düm-düzdü.
Şıdırğı yağışda çimən ağaclar,
Baxın, hamamdan gələn
Gəlin kimidi.
Bu gecəni duyanlar
Lalə, qızılgül nədir,
Başı, qanqalı sevir
Dağ elə gözəlləşib,
Yüngülləşib,
Götür, daşına çevir.
9.08.09.
Yağışlı gecədən gələn səhər
Yağışın nəfəsi təzə kəsilib,
İslanıb üst-başı
Gələn səhərin.
Nəfəsi soyuqdu, bir az da sərin
Yağış damcılayır yarpaqlar hələ.
Buludların
Atəşindən dəng olan
Ağaclar, çiçəklər
Sükut əmir bu səhər.
Rahat nəfəs alır ciyərlərimiz.
Pis niyyətli adamlardan
Maşınların ciyərindən
Hələ damcılamır
Səhərə zəhər.
Nəhəng dağlar, qocalar
Körpə təbəssümlüdür.
Pardaxlanan qızılgül
Hələ yağış yüklüdür.
Komadakı qaranlıq
Hələ güdür işığı,
Elə bil ki, tülküdür
10.08.09.
Bu gecə
Bu gecə,
Gör necə
Yağış yağır gizlicə.
Göy də elə bilir ki,
Qaranlıqdı, görən yox,
Hamı yatıb, bilən yox.
Ağaclar, yollar çimir
Torpaq doyub su içmir.
Sular axır səllimi.
Suya həsrət dərədə
Su kükrəyir, seldimi?
Dağlarda yaşayanlar
Ətəkləri düşünür.
Gurladıqca dağ çayı
İnsan olan üşünür.
Şamaxı, 11.08.09.
Bu yağış
Buludların
Göydə başı hərlənir
Şimşək çaxır,
Göydən göyə nur ələnir.
Arabir,
Buludların yaxasından
Düymə-düymə
Yağış qırılır.
Günəş itib,
Günün günorta vaxtı
Hava qaralır.
Bu yayın istisində
Bulud yağışlayacaq?
Ovuc-ovuc dərələr,
Nəlbəki, gölməçələr.
Yağış yığacaq?
Kərpickəsən kişilər
Allahından inciyib
Göyü qarğışlayacaq?
Bu yağış
Yalandımı, doğrumu?
Dərələrdə sellənib
Qamarlayıb kimisə
Aparacaq oğrumu?
Biçilməyən sünbülü
Vağamlayıb tökəcək?
Əkinçiyə, çobana
Dağ üstə dağ çəkəcək?
Daşa çırpıb quzusunu,
Siləcəkmi çobanın
Ürəkdə arzusunu?
Bu yağış
Yalandımı, doğrumu?!
1.08.09.
Yağışlı balaca böyüklər
Göy o qədər dolub ki, bax,
Boşalmadı sübhə kimi -
Yerlə göyün arasında
İmzalanan sülhə kimi.
Gecə keçib yarıdan
Gürşad yağır aramsız.
Dünya deyil eyninə
Kimi yaşayıb haramsız?
Yağış yağır iynədəki sap kimi,
Gözəyir torpağın söküklərini
Elə məharətlə görülür bu iş,
Heç kimə görünmür tikiş yerləri.
Buludlar örpək kimi
Yel əlində əsirdi.
Elə ki, şimşəklədi,
Ov tutan aslan kimi
Nəriltisi kəsildi.
Yaralı qoz ağacı ilə söhbət
Qoz ağacı,
Nə gülürsən
Gördüyünə acı-acı?
Bu, insandı
Yox olarsan
Baxsa sənə qıyğacı.
Sərhədləri adlama
Sözünü fəryadlama.
Fikir vermə adama
Odlayır ətəyini,
Sızıldayır köklərin.
Selbələyir qozunu,
Sevinir əməlindən.
İnsan təzə deyil ki,
Belədi təməlindən.
Alov qarsıb
Ətəkdə yarpaqları,
Əsəbi görünürsən
Körpətək hönkürürsən.
Hələ payız gəlməyib
Köynəyini sökürsən.
Söymə, söymə istidə
Kölgənə sığınanı.
Ömrü, günü həyata
Öd kimi sağılanı.
Unutma, səni əkən,
Becərən də insandı.
Ürəyinə dağ çəkən,
İnsan yox,
İnsanlığa nöqsandı.
12.08.09.
Şamaxı nəğmələri
Şamaxı
Gözəlliklər içində
Çiçəklənən şəhərim
Küləkləri, yelləri
Çiçək yeyən şəhərim,
Şamaxı.
Şamaxı çinarları,
Çiyin verib göylərə,
Enə bilmir göy yerə,
Şamaxı.
Tənəklərin
Düzüm-düzüm düzlənib
Qoşunlayıb yamacı.
Elə bil ki, sürüşüb
Dağların yaşıl tacı,
Şamaxı.
Axşam olcaq,
Buludlanır göylərin,
Küləyin cana yayır,
Çiçəklərin cövhərin,
Şamaxı.
Sərin havan
Şəkərdimi, baldımı?
Ürək açan gözəllik
Danışmayır, laldımı?
Səni sevən İskəndər
Yaddaşında qaldımı,
Şamaxı?
1.08.09.
Bu axşam
Bu axşam yenə də qara buludlar
Şəhərin üstündə çətirlənibdir.
Hələ üzülməyib günəşin əli,
Üfüq dodaq kimi sətirlənibdir.
Hücum mövqeyində
Durub buludlar.
Atəş dəqiqəsi nizamlanıbdır,
Tətiyi çəkəcək hansı saniyə?
Şimşək atəşini saçacaq bulud.
Gözlənən hədəfi izləmək üçün,
Haradan haraya qaçacaq bulud?
Şimşəyi boşalan bulud yerləri,
Əsgər atıb qaçan səngərə dönüb.
Asfalt küçələrdə sellər oyanır.
Evlərin tinindən küçələr boyu
Sükut boylanır.
Evin damağında ötən navalça
Yağışa köklənib daşır, kükrəyir.
Navalça suları,
Beyində iz açan nəğmələr kimi
Çağlayır torpaqda iz aça-aça.
Su əl verir sulara,
Vüsalın fərəhindən
Tələsir dənizə su uça-uça.
Hələ yol uzundu, mənzil uzaqdı,
Dənizə tələsən ümidli sular.
İstəyir hələ də yağış bitməyə
Axı hələ güc gərək
Göy dənizə yetməyə.
9.08.09.
Yağışdan sonra
Yay gecəsi
Gurultulu yağışdan sonra
Nur geyinib
Göyün aylı gecəsi.
Baxın,
göy yağışdan öncəki
O qəzəbli göy deyil.
Hamarlanıb dağ-dağ,
təpə-təpə buludlar.
Göyün üzü
Səhra kimi düm-düzdü.
Şıdırğı yağışda çimən ağaclar,
Baxın, hamamdan gələn
Gəlin kimidi.
Bu gecəni duyanlar
Lalə, qızılgül nədir,
Başı, qanqalı sevir
Dağ elə gözəlləşib,
Yüngülləşib,
Götür, daşına çevir.
9.08.09.
Yağışlı gecədən gələn səhər
Yağışın nəfəsi təzə kəsilib,
İslanıb üst-başı
Gələn səhərin.
Nəfəsi soyuqdu, bir az da sərin
Yağış damcılayır yarpaqlar hələ.
Buludların
Atəşindən dəng olan
Ağaclar, çiçəklər
Sükut əmir bu səhər.
Rahat nəfəs alır ciyərlərimiz.
Pis niyyətli adamlardan
Maşınların ciyərindən
Hələ damcılamır
Səhərə zəhər.
Nəhəng dağlar, qocalar
Körpə təbəssümlüdür.
Pardaxlanan qızılgül
Hələ yağış yüklüdür.
Komadakı qaranlıq
Hələ güdür işığı,
Elə bil ki, tülküdür
10.08.09.
Bu gecə
Bu gecə,
Gör necə
Yağış yağır gizlicə.
Göy də elə bilir ki,
Qaranlıqdı, görən yox,
Hamı yatıb, bilən yox.
Ağaclar, yollar çimir
Torpaq doyub su içmir.
Sular axır səllimi.
Suya həsrət dərədə
Su kükrəyir, seldimi?
Dağlarda yaşayanlar
Ətəkləri düşünür.
Gurladıqca dağ çayı
İnsan olan üşünür.
Şamaxı, 11.08.09.
Bu yağış
Buludların
Göydə başı hərlənir
Şimşək çaxır,
Göydən göyə nur ələnir.
Arabir,
Buludların yaxasından
Düymə-düymə
Yağış qırılır.
Günəş itib,
Günün günorta vaxtı
Hava qaralır.
Bu yayın istisində
Bulud yağışlayacaq?
Ovuc-ovuc dərələr,
Nəlbəki, gölməçələr.
Yağış yığacaq?
Kərpickəsən kişilər
Allahından inciyib
Göyü qarğışlayacaq?
Bu yağış
Yalandımı, doğrumu?
Dərələrdə sellənib
Qamarlayıb kimisə
Aparacaq oğrumu?
Biçilməyən sünbülü
Vağamlayıb tökəcək?
Əkinçiyə, çobana
Dağ üstə dağ çəkəcək?
Daşa çırpıb quzusunu,
Siləcəkmi çobanın
Ürəkdə arzusunu?
Bu yağış
Yalandımı, doğrumu?!
1.08.09.
Yağışlı balaca böyüklər
Göy o qədər dolub ki, bax,
Boşalmadı sübhə kimi -
Yerlə göyün arasında
İmzalanan sülhə kimi.
Gecə keçib yarıdan
Gürşad yağır aramsız.
Dünya deyil eyninə
Kimi yaşayıb haramsız?
Yağış yağır iynədəki sap kimi,
Gözəyir torpağın söküklərini
Elə məharətlə görülür bu iş,
Heç kimə görünmür tikiş yerləri.
Buludlar örpək kimi
Yel əlində əsirdi.
Elə ki, şimşəklədi,
Ov tutan aslan kimi
Nəriltisi kəsildi.
Yaralı qoz ağacı ilə söhbət
Qoz ağacı,
Nə gülürsən
Gördüyünə acı-acı?
Bu, insandı
Yox olarsan
Baxsa sənə qıyğacı.
Sərhədləri adlama
Sözünü fəryadlama.
Fikir vermə adama
Odlayır ətəyini,
Sızıldayır köklərin.
Selbələyir qozunu,
Sevinir əməlindən.
İnsan təzə deyil ki,
Belədi təməlindən.
Alov qarsıb
Ətəkdə yarpaqları,
Əsəbi görünürsən
Körpətək hönkürürsən.
Hələ payız gəlməyib
Köynəyini sökürsən.
Söymə, söymə istidə
Kölgənə sığınanı.
Ömrü, günü həyata
Öd kimi sağılanı.
Unutma, səni əkən,
Becərən də insandı.
Ürəyinə dağ çəkən,
İnsan yox,
İnsanlığa nöqsandı.
12.08.09.