- 10-02-2010
- 999
Fevralın 15-dən 18-dək İstanbulda Türk Dünyası Kino Günləri keçiriləcək. Kino həvəskarları dörd gün ərzində İstanbulun mərkəzində Bəyoğlu prospektindəki kinoteatrlarda Azərbaycan, Türkiyə, Qazaxıstan, Qırğızıstan, Özbəkistan, Türkmənistan, Çinin Sincan Uyğur Muxtar Bölgəsi, Rusiyanın Başkortoston və Tatarıstan respublikaları kinematoqrafçılarının beynəlxalq festivallarda mükafatlar almış yeni filmlərini izləyəcəklər. Qeyd edək ki, Türk Dünyası Kino Günləri Türkiyənin Mədəniyyət və Turizm Nazirliyi, İstanbul bələdiyyəsi, TİKA və TÜRKSOY təşkilatlarının İstanbul Universitetinin Avrasiya İnstitutunun təşkilatçılığı ilə reallaşacaq.
