Kaliforniya Dairə Məhkəməsi baş rollarda Cim Kerri və Evan Mak Qreqorun oynadığı "Filip Morris, mən səni sevirəm" filminin 30 iyun 2010-cu ilə təyin edilmiş premyerasını təxirə salıb. Premyeranın təxirə salınmasına səbəb fransız studiyası ilə amerikalı distribüterin razılaşma əldə edə bilməməsidir.
   Real hadisələr əsasında çəkilən "Filip Morris, mən səni sevirəm" filmi "Sundance" kinofestivalında kinotənqidçilərin yüksək rəyini qazansa da, Amerikanın film prokatçılarında xüsusi maraq oyatmamışdı. Filmin premyerası dəfələrlə təxirə salınıb.